Corona Konzept a dä Börsä Rickäbach
Öis liit vil a dä Gsundheit vo allnä, drum gits bi ois paar Reglä
Da d'Reglä vo dä letschtä Herbschtbörsä 2020:
Beschränkig im Verchauf
Dass mir gnuäg Abstand zunänand chönd gwärleischtä, isch Aazahl Chundinnä und Chundä, wo gliichziitig i dä Hallä sind, beschränkt. Oisäs Zählsystem funktioniärt über oisi abzähltä und bewährte Postitäschä.
Handdesinfektion
Miir büütäd Handdesinfektion aa, sind natürli dankbar, wänn ihr au eigni mitnähmäd, so dass es für alli langäd. Bitte vor äm Iitritt und nach äm Usgang d'Händ desinfiziärä.
Mundschütz
Im Kanton Züri sind Mündschütz i Verchaufsgschäft pflicht, also au bi ois. Mir stelläd aber kei zur Verfüägig, bitte bringäd eui eigä mit. Abklärigä mit ärä Mehrwäg-Mundschutz-Produzäntin sind im Gang, wiiteri Infos folgäd.
Ablauf Chundinnä und Chundä
Miir wärdäd än idealä Wäg signalisiärä, so dass mär cha d'Börse imä Einbahnsystem begah.
Abstand
Miir bitted alli, druf z'achtä, dass en gnüägendä Abstand zu andernä Personä iighaltä wird.
Börsä-Kafi
S'Börsäkafi isch au das Jahr für alli da. Au im Kafi müänd d'Coronavorschriftä iighaltä wärdä.
